Salerai nima va u kimga kerak

Salerai savdo bo'limi uchun bitta platforma. U har bir qo'ng'iroq va yozishmani eshitadi, o'qiydi va baholaydi. Mijozga sizning o'rningizga darhol javob beradi va sotuvni oxirigacha yetkazadi. Rahbar esa butun bo'limni bitta ekranda ko'radi.

Maqsad

Savdo bo'limidagi inson omilini kamaytirish. Odatda pul quyidagi joylarda yo'qoladi:

menejer qo'ng'iroqqa javob bermadi yoki qayta qo'ng'iroq qilishni unutdi;
Instagram yoki Telegram'ga yozgan mijoz 3 soat javob kutdi va raqobatchiga ketdi;
menejer skriptni o'tkazib yubordi, e'tirozga javob topa olmadi;
rahbar qo'ng'iroqlarning 2-5 foizini eshitadi, qolgani "qora quti";
yangi xodimni o'rgatish oylab cho'ziladi.

Salerai bu joylarning har birini avtomatlashtiradi: tizim o'zi eshitadi, o'zi javob beradi, o'zi eslatadi, o'zi hisobot beradi.

Kimlar uchun

Kim	Nima uchun oladi
Sotuv bo'limi bor kompaniya (ko'chmas mulk, avto, ta'lim, klinika, mebel, qurilish materiallari, xizmatlar)	Har bir menejerning har bir qo'ng'iroqini nazorat qilish va konversiyani oshirish
Instagram va Telegram orqali sotadigan biznes	24/7 darhol javob, katalogdan sotish, to'lov havolasi chatning o'zida
Call-markaz va qo'llab-quvvatlash xizmati	Navbat, IVR, qayta qo'ng'iroq, operator sifati va yuklama
Kichik biznes egasi (1-5 menejer)	Rahbar yo'qligida ham mijoz yo'qolmaydi: AI javob beradi, egasiga Telegramda hisobot keladi
Tarmoq va franshizalar	Filiallarni bir xil standart bo'yicha solishtirish

Nima uchun sotib olishadi

Yo'qolgan mijozlarni qaytarish. Javobsiz qo'ng'iroq, kechikkan javob va unutilgan keyingi qadam hammasi ko'rinadi. Tizim eslatadi.
Har bir menejerni kuchaytirish. AI har bir qo'ng'iroqdan keyin menejerga nima yaxshi bo'lganini, nima xato bo'lganini va qanday aytish kerakligini yozadi.
Odam yollamasdan kengayish. Saler agent (chat) va AI operator (telefon) kechayu kunduz ishlaydi. Ish haqi, ta'til va kayfiyat masalasi yo'q.
Rahbar uchun shaffoflik. Dashboard, voronka, menejerlar reytingi va har kuni Telegramga hisobot keladi.
Hammasi bitta joyda. ATS, messenjerlar, CRM, SMS, do'kon va to'lov endi alohida-alohida xizmat emas, hammasi bitta kabinetda.

Qanday foyda beradi

Ko'rsatkich	Odatiy natija
Messenjerda birinchi javob vaqti	soatlardan soniyalarga (Saler agent)
Eshitilgan qo'ng'iroqlar ulushi	2-5% dan 100% ga
Unutilgan keyingi qadamlar	Har biri Lidlar → Kutib qolganlar ro'yxatida ko'rinadi, menejerga eslatma boradi
Yangi menejerni o'rgatish	Haqiqiy suhbatlardan olingan javoblar kutubxonasi bilan bir necha haftaga qisqaradi
Rahbarning nazoratga sarflagan vaqti	kuniga soatlar o'rniga 5 daqiqa (Telegram hisoboti)

Raqamlar kompaniyaga qarab farq qiladi. O'zingiz ko'rish uchun 1 kunlik bepul sinov oching yoki saytdagi "Demo kabinetni ko'rish" tugmasini bosing.

Imkoniyatlar

Qo'ng'iroqlar tahlili

Har bir qo'ng'iroq matnga o'giriladi: o'zbek (lotin va kirill), rus va aralash nutq.
Skript va sotuv usuli (SPIN, BANT, LAER yoki o'zingizniki) bo'yicha 0-100 ball qo'yiladi.
Mijoz ehtiyoji, e'tirozlar, menejer xatolari va har biri uchun to'g'ri variant ajratib ko'rsatiladi.
Keyingi qadam sanasi bilan chiqadi va lidga eslatma bo'lib tushadi.
Xulosa CRM kartasiga o'zi yoziladi.

Qo'ng'iroq tahlili: skript bo'yicha baho, xulosa, xatolar va keyingi qadam

Rahbar uchun analitika

Dashboard: qo'ng'iroqlar, konversiya, sifat indeksi, sotuv voronkasi, natijalar.
Xulosalar: mijozlar nimani so'raydi, nega rad etadi, marketing uchun signallar.
E'tirozlar: qaysi e'tiroz ko'p uchraydi, kim qanday javob beradi va javoblar kutubxonasi.
Menejerlar: reyting, kuchli va zaif tomonlar, takrorlanadigan xatolar, murabbiy maslahatlari.

Dashboard: qo'ng'iroqlar, konversiya, sifat indeksi va voronka

Lidlar

Qo'ng'iroq va chatlardan lid o'zi yaratiladi. Har bir lid yonidagi ikonka qayerdan kelganini ko'rsatadi (telefon, Telegram, Instagram, Messenger, sayt).
Lidlarni Jadval, Kanban yoki Kalendar ko'rinishida ko'rasiz. Bosqichlar: Yangi → Aloqada → Qayta qo'ng'iroq → Uchrashuv → Bitim / Rad etdi.
Lidlarni amoCRM, Bitrix24 yoki webhook'ga yuborish, CSV/Excel'ga eksport qilish mumkin.

Yagona Inbox va Saler agent

Telegram (bot va shaxsiy akkaunt), Instagram Direct, Facebook Messenger va sayt chati bitta oynada.
Saler agent bu AI chat-sotuvchi. U mijozga darhol javob beradi, ma'lumot yig'adi (ism, telefon, byudjet), katalogdan sotadi va kerak bo'lsa menejerga o'tkazadi.
Flow tugmali tayyor javoblar beradi. AI'ni chaqirmaydi, shuning uchun token sarflamaydi.
Instagram izohlari: post ostidagi kalit so'zga (masalan, "+") izohda javob va Direct'ga xabar.
Obuna sharti va sovg'a: flow'dagi "Obunani tekshirish" qadami mijoz Instagram sahifangizga yoki Telegram kanalingizga obuna bo'lganini tekshiradi. Obuna bo'lsa, "Material berish" qadami fayl, havola, rasm, audio yoki video yuboradi (qo'llanma, narxlar, dars). Tayyor shablon: "Obuna evaziga sovg'a".
Limitlar va xarajat: har oy AI tokenlari va avtomatik xabarlar soni tarif limitida hisoblanadi, xarajat so'mda ko'rinadi. 80% da ogohlantirish chiqadi, limit tugasa AI to'xtaydi va suhbatlar menejerlarga o'tadi. Operator yozgan javoblar hisoblanmaydi.

Inbox: Saler agent Telegram'dagi mijozga javob bermoqda

Salerai CRM

CRM'ingiz bo'lmasa, Salerai'ning o'zida lidlar va bitimlar voronkasi (kanban), mijoz kartasi, izohlar va vazifalar bo'ladi. Bu ixtiyoriy: amoCRM yoki Bitrix24 bilan ishlasangiz yoki CRM kerak bo'lmasa, yoqmaysiz.
Faqat savdo uchun emas: savdo, ko'chmas mulk, klinika/salon, o'quv markazi, onlayn do'kon, ulgurji (B2B) uchun tayyor shablonlar bor. Bosqichlar va karta maydonlarini o'zingiz o'zgartirasiz.
Lid — hali saralanayotgan murojaat, bitim — sotuvning o'zi. Kiruvchi, chiquvchi va o'tkazib yuborilgan qo'ng'iroq, yangi chat (Telegram, Instagram, sayt) va forma telefon raqami bo'yicha mijozga bog'lanib, Lidlar voronkasiga o'zi tushadi. Hech kim javob bermagan lid "Javob kutmoqda" deb ajralib turadi.
Lid "Bitimga o'tdi" bosqichiga o'tsa, bitimga aylanadi va bitimlar voronkasiga o'tadi. "Yo'qotildi" bosqichiga faqat sabab bilan yopiladi (sabablar ro'yxatini o'zingiz yozasiz). Yutilgan va yopilganlarni "Yopilganlar: hammasi" bilan ko'rasiz.
Bosqichga majburiy maydon (masalan, telefon yoki summa) va limit qo'yasiz; ustunni yig'ish, voronkani yashirish mumkin.
Kartadan bir bosishda: qo'ng'iroq (bulutli ATS bo'lsa platformadan), Telegram'da shu yerda yozish (ulangan Telegram akkauntingizdan, raqam bo'yicha) yoki Telegram/Instagram'ni ochish. Vazifa turi (qo'ng'iroq, uchrashuv, xabar) bor, yopilganda natija yoziladi.

Jarayon: har bosqich ostida o'zi bajariladigan ishlar — yangi lidga vazifa qo'yish, mas'ulni navbat bilan tayinlash, mijozga chatda xabar, "N soat hech kim tegmasa" eslatma yoki boshqa bosqichga o'tkazish.
Analitika: javob kutayotganlar, birinchi javob tezligi, lidlar manbasi, lid → bitim konversiyasi, yo'qotish sabablari, jamoa va kunlik kiruvchi/chiquvchi/o'tkazib yuborilgan qo'ng'iroqlar.
Formalar: o'z formangiz (havola, saytga iframe) va universal webhook — Tilda, WordPress, Zapier va Google Forms arizalari lid bo'lib tushadi.
Smenalar (face-control): menejer smenani kamera surati bilan boshlaydi va tugatadi; surat, kechikish va smena hisoboti Telegram'ga boradi, kun oxirida — CRM yakuni.
Brauzer telefoni: o'ng pastdagi tugma — ATS ichki raqamingiz (WebRTC) bilan brauzerdan qo'ng'iroq, kiruvchida mijoz kartasi; yangi lid, xabar va vazifa uchun ovozli bildirishnoma.

Mijoz kartasi: ma'lumotlar, bitim, tarix va vazifalar

CRM analitikasi: javob tezligi, manbalar, konversiya va qo'ng'iroqlar

Ombor (sklad), do'kon va to'lov

Katalogni qo'lda, Excel orqali yoki MoySklad / Billz / 1C bilan sinxron to'ldirasiz: narx va qoldiq o'zi yangilanib turadi, agent tugagan mahsulotni sotmaydi. Buyurtma qilinganda qoldiq bron qilinadi.
To'lov Payme, Click, karta yoki naqd. Saler agent to'lov havolasini chatning o'zida beradi.

Ombor: katalog manbasi (Excel, MoySklad, Billz, 1C), narx va qoldiq

Telefoniya

Bulutli ATS: raqamlar, operatorlar (SIP), IVR, navbat, ish vaqti, jonli monitoring.
Mavjud ATS'ni ulash: UTeL, Dial.uz, Asterisk, Zadarma, OnlinePBX. Raqamlaringiz o'zgarmaydi.
Mobil ilova (Android): menejer oddiy SIM-kartadan gaplashadi, yozuv tahlilga o'zi tushadi.
Avtoqo'ng'iroq kampaniyalari, bashoratli dialer, qayta qo'ng'iroq navbati.

AI ovozli operator

Telefonda odamdek gaplashadi: kiruvchi qo'ng'iroqqa 24/7 javob beradi, ro'yxat bo'yicha o'zi qo'ng'iroq qiladi.
Kerak bo'lsa suhbatni jonli operatorga kontekst bilan o'tkazadi. Daqiqabay to'lanadi.

SMS

Eskiz orqali ommaviy va trigger SMS yuboriladi, yetkazish hisoboti bor. O'z alfa-nomingizdan yuborish ham mumkin.

Integratsiyalar

CRM: amoCRM, Bitrix24. Jadval: Google Sheets. Dasturchilar uchun: REST API va imzolangan webhook'lar.
Telegram bot rahbarga kunlik hisobot, muhim va o'tkazib yuborilgan qo'ng'iroqlar haqida xabar yuboradi.

Xavfsizlik

Ma'lumotlar shifrlangan bazada saqlanadi. Yozuvlar 90 kun, tahlillar 365 kun turadi, muddatni sozlash mumkin.
Rollar (egasi, admin, nazoratchi, menejer, kuzatuvchi) va bo'limlar bo'yicha ruxsatlar bor. Menejer faqat o'z qo'ng'iroqlarini ko'radi.
Ikki bosqichli kirish (2FA), kirgan qurilmalar ro'yxati va ularni bir bosishda chiqarish, harakatlar jurnali.

Har bir funksiya yonidagi "?" belgisi u nima uchun ekanini qisqa tushuntiradi.

Qanday boshlanadi

Saytda "Demo kabinetni ko'rish" tugmasini bosing. Tayyor ma'lumotli kabinet ochiladi, hech narsa sozlash shart emas.
"Bepul boshlash" tugmasi orqali ro'yxatdan o'ting: login va bir martalik parol darhol ekranda chiqadi va Telegram'ga ham keladi.
Kabinetga kiring va O'rnatish qo'llanmasi bo'yicha 30-60 daqiqada ishga tushiring.
Narxlar sahifasida tarifni tanlang va kabinetning o'zidan Payme yoki Click orqali to'lang.